«KazAID» қазақстандық халықаралық даму агенттігі мен «JICA» жапондық халықаралық ынтымақтастық агенттігі дамуға ресми көмек саласындағы ынтымақтастық туралы меморандумға қол қойды, деп хабарлайды Деловой Қазақстан.
Меморандумның мақсаты Қазақстан мен Жапонияның дамуға ресми көмек саласындағы ынтымақтастығын ресімдеу және нығайту. Тараптар өңірдегі әлеуметтік және экономикалық дамуды ынталандыру мақсатында Орталық Азия елдерінде бірлескен жобалар мен бастамаларды іске асыруға ниетті.
Меморандумға «KazAID» тарапынан Басқарма төрағасы Дастан Елеукенов пен «JICA» тарапынан Аға вице-президенті Сачико Имото қол қойды.
