Қазақстанның Елшісі Ержан Қыстафин Пәкістанның Федералды сауда министрі Саид Навид Камармен кездесті, деп хабарлайды DKNews.kz.
Тараптар Қазақстан Республикасы Премьер-Министрінің орынбасары – Сауда және интеграция министрі Серік Жұманғариннің өткен сапарының, сондай-ақ екі ел арасындағы сауда-экономикалық, мәдени-гуманитарлық және ғылыми-техникалық ынтымақтастық жөніндегі үкіметаралық комиссияның 11-ші отырысының қорытындыларын талқылады.
Кездесу қорытындысы бойынша сұхбаттастар тығыз өзара іс-қимылды жалғастыруға уағдаласты және екі ел арасындағы сауда-экономикалық ынтымақтастықты кеңейту жөнінде пікір алмасты.
