Қазақстан Республикасы Сыртқы істер министрінің орынбасары Қанат Тумыш Қазақстандағы дипломатиялық миссиясының аяқталуына орай Пәкістан Ислам Республикасының Елшісі Саджад Ахмед Сихармен кездесу өткізді, деп хабарлайды DKNews.kz.
Тараптар саяси, сауда-экономикалық және гуманитарлық салалардағы ынтымақтастық мәселелері бойынша пікір алмасып, екі елдің халықаралық алаңдардағы, оның ішінде БҰҰ, ШЫҰ, АӨСШК, ИЫҰ және т.б. өзара іс-қимылының перспективаларын талқылады.
Кездесу барысында Елшіге Қазақстан Республикасы мен Пәкістан Ислам Республикасы арасындағы екіжақты қарым-қатынастарды нығайтуға және дамытуға қосқан үлесі үшін Қазақстан Республикасы Премьер-Министрінің орынбасары – Сыртқы істер министрі Мұхтар Тілеубердінің атынан Құрмет грамотасы табыс етілді.
