Қазақстанның реформалары мен бастамалары испандық сарапшылардың назарында

9932

Қазақстан Елшісі Данат Мұсаев испандық БАҚ өкілдерімен және сарапшылармен сараптамалық кездесу өткізді, деп хабарлайды DKNews.kz.

Кездесу барысында қазақстандық дипломат Қазақстан Президенті Қасым-Жомарт Тоқаевтың бастамасымен елімізде жүргізіліп жатқан ауқымды саяси реформалар туралы егжей-тегжейлі айтып берді.

Атап айтқанда, Елші 2022 жылы басталған билік институттарын жан-жақты қайта бастау процесі елдің саяси құрылымының жаңа және әділ үлгісін құруға, парламенттің рөлін күшейтуге және азаматтардың саяси өмірге қатысуын кеңейтуге бағытталғанын айтты.

Осы тұрғыда 2023 жылғы 19 наурызда ҚР Парламенті Мәжілісі сайлауының маңыздылығы мен бұл сайлау Қазақстанның саяси жүйесін жаңғыртудың кезеңін білдіретіндігін атап өтті.

Елшінің айтуынша, жүргізілген реформалардың арқасында сайлау қарсаңында екі жаңа партия тіркелді. Ол сондай-ақ алдағы дауыс беруде барлық партияларға тең мүмкіндіктер берілетінін баса айтты.

Сайлау нәтижелері Қазақстандағы парламентаризм институтын нығайтып, қоғамның әртүрлі топтарының мүдделерін қорғау мүмкіндіктерін кеңейтуге тиіс.

Айта кететін жайт, Парламенттің төменгі палатасына сайлау алдында елде конституциялық референдум, президент сайлауы өтіп, Парламенттің жоғарғы палатасы – Сенаттың құрамы жаңартылды.

Осы оқиғалардың аясында Мәжіліске сайлау билік тармақтарын жаңарту мен түбегейлі өзгерістер үшін халықтың қолдауын алу үдерісінің заңды жалғасы болып табылады.

Телеграм-канал «Нефть и Газ Казахстана. Факты и комментарии». Ежедневные новости с краткими комментариями. Бесплатная подписка.

«DKNews» халықаралық ақпараттық агенттігі Қазақстан Республикасының Мәдениет және ақпарат министрлігінде тіркелген. Есепке қою туралы куәлік № 10484-АА 2010 жылдың 20 қаңтарында берілді.

Тақырып
Жаңарту
МИА «DKNews» © 2006 -