Қазақстан Елшісі Алмат Айдарбеков Молдова Парламентінің Төрағасы Игорь Гросумен кездесті, деп хабарлайды DKNews.kz.
Кездесу барысында қазақстандық дипломат 2023 жылғы 19 наурызда Қазақстанда өтетін парламенттік сайлау туралы Спикерді хабардар етті. Сондай-ақ А. Айдарбеков Қазақстан Президенті Қасым-Жомарт Тоқаевтың бастамасы бойынша конституциялық, саяси және экономикалық реформалар шеңберінде ҚР сайлау заңнамасының жаңалықтарымен егжей-тегжейлі таныстырды.
Өз кезегінде, И. Гросу Қазақстандағы демократиялық қайта құруларға қолдауын білдіріп, парламентаралық және үкіметаралық өзара іс-қимыл бағыты бойынша ынтымақтастықты одан әрі тереңдетуге әзір екенін айтты.
Сонымен қатар, тараптар сауда-экономикалық және энергетикалық ынтымақтастық мәселелеріне, сондай-ақ инфрақұрылымдық жобаларға ерекше назар аударды.
Сұхбат соңында тараптар тәжірибе алмасу және өзара тиімді ынтымақтастық үшін жұмыс байланыстарын жалғастыруға уағдаласты.