«NorKaz» ұйымы мен Қазақстан Республикасының Норвегиядағы Елшілігі өткен сенбіде Ставангер қаласында Наурыз мейрамын атап өтті, деп хабарлайды DKNews.kz.
Іс-шара барысында өткен мәдени бағдарлама қазақстандық музыкалық шығармалар мен билерді, қазақ халқының салт-дәстүрлері мен ырымдары туралы викториналарды, сондай-ақ спорт ойындары және т.б. қамтыды. Қатысушыларға қазақ ұлттық тағамдары, оның ішінде Наурыз көже ұсынылды.
Іс-шара барысында Елші Әділ Тұрсынов және «NorKaz» ұйымының жетекшілері Бағытжан Калиев пен Лайла Мукушева сөз сөйледі.
Норвегияның «мұнай астанасы» атанған Ставангер қаласында шамамен 100-ге жуық отандастар тұрады. Олардың басым бөлігі мұнай-газ саласындағы компанияларда жұмыс істейді.
