Росатом мен ТМД елдерінің сарапшылары Достастық аумағындағы ядролық мұраны жою мәселелерін Қазақстанда талқылады

2676

Ақтауда пайдаланылған ядролық отынмен (ПЯО), радиоактивті қалдықтармен (РАҚ) жұмыс істеу және ядролық және радиациялық қауіпті объектілерді пайдаланудан шығару (ЯРҚО ПШ) мәселелері бойынша ТМД-ға қатысушы мемлекеттердің базалық ұйымының техникалық шешімдері мен технологияларын дамыту жөніндегі сараптама тобының көшпелі отырысы өтті, деп хабарлайды DKNews.kz.

Кездесуді Росатомның «ТВЭЛ» отын компаниясы ұйымдастырды. Ол 2021 жылдан бастап ТМД-ның базалық ұйымы болып табылады, сондай-ақ РАҚ-ты пайдаланудан шығару және онымен жұмыс істеу бойынша «Росатом» мемлекеттік корпорациясының интеграторы болып табылады. Қабылдаушы тарап Маңғыстау атом энергетикалық комбинаты («МАЭК» ЖШС) болды.

Жиынға Армения, Беларусь, Қазақстан, Қырғызстан, Ресей және Өзбекстаннан 70-тен астам сарапшы қатысты.

Сараптамалық топ отырысының негізгі мәселесі ТМД елдерінде ПЯО, РАҚ және ЯРҚО ПШ-мен жұмыс істеу бойынша қолданылатын және әзірленетін шешімдер мен технологияларды талқылау, сондай-ақ Базалық ұйымға қатысушы ұйымдардың технологиялық паркін дамыту жөніндегі бірлескен жобаларды іске асырудың перспективалық бағыттары болды.

«Алдын ала бағалау бойынша ТМД–ға қатысушы мемлекеттерде 40-тан астам ірі ядролық мұра объектілері бар екен. Өткен жылдың қараша айында біз пайдаланудан шығарудың әртүрлі кезеңіндегі Достастық елдеріндегі ядролық мұра объектілерін қауіпсіз күйге келтірудің кешенді бағдарламасын әзірлеу бойынша бастама жасадық. Оңалтылатын объектілерде неғұрлым қолайлы технологиялар мен инженерлік шешімдерді қолдану қажет. Біз Кешенді бағдарламаның пилоттық объектілерінде қолдану үшін технологиялар тізілімін қалыптастырамыз» «ТВЭЛ» АҚ ПШ жөніндегі бағдарламалар директоры, ТМД-ға қатысушы мемлекеттердің базалық ұйымының кеңесші органы төрағасының ПЯО, РАҚ және ЯРҚО ПШ-мен жұмыс істеу жөніндегі орынбасары Эдуард Никитин

Кездесу аясында қатысушылар зерттеу және өнеркәсіптік уран-графит реакторларын, сондай-ақ РАҚ қоймаларын пайдаланудан шығару технологияларын қарастырды.

Сарапшылар радиациялық мониторинг жүйесін ұйымдастыру, РАҚ ұзақ мерзімді сақтау, қатты және сұйық РАҚ өңдеу және пайдалану кезінде радиациялық қауіпсіздікті қамтамасыз ету, қалдықтарды соңғы оқшаулау, ТМД-ға қатысушы елдерде пайдаланылатын РАҚ тасымалдау, сақтау және көму үшін контейнерлік паркті пайдалану мәселелері бойынша тәжірибе алмасты.

Пайдаланудан шығару саласындағы жаңа технологиялардың ішінде қатысушылар радиациямен ластанған ірі габаритті металл жабдықтарын бөлшектеуге арналған мобильді лазерлік кешенді және FREMES радиациямен ластанған топырақты сұрыптау қондырғысын атап өтті. Екі технология да Ангар электролиз химия комбинатында (Росатомның «ТВЭЛ» отын компаниясының құрамына кіреді) енгізілген, ол Отын компаниясының пайдаланудан шығару құзыретінің орталықтарының бірі болып табылады.

Сарапшылар үшін Маңғыстау атом энергетикалық комбинатына техникалық тур ұйымдастырылды, оның алаңында БН-350 реактор қондырғысы орналасқан (1999 жылдан бастап – пайдаланудан шығару режимінде).

«РУ БН-350 пайдаланудан шығарудың үш кезеңі көзделген. Оның ішінде жабдықтарды, ғимараттарды, құрылымдарды ішінара немесе толық бөлшектеуді, радиоактивті қалдықтарды көмуді және аумақты оңалтуды қоса алғанда. Қазір бірінші кезең бойынша іс-шаралар орындалуда, нақты айтқанда, пайдаланылған ядролық отынмен, сұйық металл жылу тасымалдағышпен, БН-350 реакторының сұйық және қатты радиоактивті қалдықтарымен жұмыс істеу бойынша. Әрине, біз осы міндеттерді орындау үшін ТМД елдеріндегі әріптестеріміздің тәжірибесін де қарастырып жатырмыз» «МАЭК» ЖШС Бас директоры Жасұлан Сүйінчалиев

ТМД-ға қатысушы мемлекеттердің базалық ұйымы сараптамалық топтардың жұмысын тұрақты негізде жүргізеді.

Росатомның инновациялық технологиялары ресейлік атом ғылымының озық жетістіктеріне негізделген және қазіргі ESG күн тәртібіне толық жауап береді. Атап айтқанда, ядролық мұраны жою жөніндегі жобалар экологиялық, әлеуметтік, экономикалық және экологиялық аспектілерде Тұрақты даму мақсаттарына жетуге кешенді үлес қосады.

2021 жылы ТМД Экономикалық кеңесінің шешімімен «ТВЭЛ» АҚ ядролық мұраны жою, пайдаланылған ядролық отынмен, радиоактивті қалдықтармен жұмыс істеу және ЯРҚО пайдаланудан шығару мәселелері бойынша ТМД-ға қатысушы мемлекеттердің Базалық ұйымы болып тағайындалды.

ТМД-ға қатысушы мемлекеттердің базалық ұйымы ТМД-ға қатысушы мемлекеттердегі әлеуетті тапсырыс берушілермен өзара іс-қимыл жасау үшін бірыңғай терезе және бірыңғай коммуникациялық алаң болып табылады.

Телеграм-канал «Нефть и Газ Казахстана. Факты и комментарии». Ежедневные новости с краткими комментариями. Бесплатная подписка.

«DKNews» халықаралық ақпараттық агенттігі Қазақстан Республикасының Мәдениет және ақпарат министрлігінде тіркелген. Есепке қою туралы куәлік № 10484-АА 2010 жылдың 20 қаңтарында берілді.

Тақырып
Жаңарту
МИА «DKNews» © 2006 -