Спорт экономикасы бойынша жазғы мектеп Қазақстан мен Германияны біріктіреді

4758

Әл-Фараби атындағы ҚазҰУ мен Фридрих Шиллер атындағы Йена университетінің спорт ғылымдары институты спорт экономикасы және менеджменті бойынша жазғы мектеп өткізу туралы келісімге қол қойды, деп хабарлайды DKNews.kz.

ҚазҰУ Германияның жетекші жоғары оқу орындары, институттары және ұйымдарымен ынтымақтастық туралы 21 келісімге қол қойған. Оның аясында түрлі білім беру бағдарламалары мен ғылыми-инновациялық жобалар табысты іске асырылуда.

Оқытушы-профессорлық құрам мен білім алушылар академиялық ұтқырлық шеңберінде және 2022/23 оқу жылында "Эрасмус+" бағдарламасы бойынша 5 бакалавриат студенті, 13 магистрант, 16 докторант Германия университеттерінде болып, түрлі конференциялар мен ғылыми-зерттеу тағылымдамаларына қатысты. География және табиғатты пайдалану, механика-математика, медицина және денсаулық сақтау факультеттерінің базасында бірқатар бірлескен халықаралық ғылыми-білім беру жобалары іске асырылуда.

Кездесуде Фридрих Шиллер атындағы Йена университетінің ректоры Штеффен Тайхерт ынтымақтастықты нығайтуға қызығушылық танытып, университет басшылығына алғыс білдірді.

Телеграм-канал «Нефть и Газ Казахстана. Факты и комментарии». Ежедневные новости с краткими комментариями. Бесплатная подписка.

«DKNews» халықаралық ақпараттық агенттігі Қазақстан Республикасының Мәдениет және ақпарат министрлігінде тіркелген. Есепке қою туралы куәлік № 10484-АА 2010 жылдың 20 қаңтарында берілді.

Тақырып
Жаңарту
МИА «DKNews» © 2006 -