Қорғаныс министрінің тыл және әскери инфрақұрылым жөніндегі орынбасары генерал-лейтенант Мұхамеджан Таласов Жамбыл облысындағы әскери нысандарда жүргізілген жұмыстардың сапасын тексерді, деп хабарлайды Деловой Қазақстан.
Сапар барысында ведомство басшысының орынбасары жөндеу жүргізілген ғимараттар мен үй-жайларды пайдалануға қабылдау жөніндегі жергілікті комиссиялардың қорытындыларымен танысты.
Бүгінде Луговой гарнизонында 400-ден астам әскери қызметші сиятын үш казармада жұмыс аяқталды. Сондай-ақ, қазандық, монша-кір жуу кешені мен үш тұрғын үй толықтай жөндеуден өткізілді.
Жуалы ауданында аудандық пайдалану бөлімі жөндеу-қалпына келтіру взводының күшімен әскери техника мен материалдық құралдарды сақтауға арналған екі ангар тұрғызылды. Бұдан өзге 100 орындық асхананың ағымдағы жөндеуі аяқталды.
"Әскери инфрақұрылымды жетілдіру - қорғаныс ведомствосының маңызды міндеттерінің бірі. Кең және ыңғайлы казармалар мен асханалар, әскери қалашықтардың үздіксіз жұмыс істейтін тұрғын үй-коммуналдық шаруашылығы әскери қызметшілердің жайлы қызметі мен өмірінің негізі ғана емес, сонымен қатар жеке құрамның жауынгерлік дайындығының маңызды факторы болып табылады" генерал-лейтенант Мұхамеджан Таласов
Таяу күндері бірқатар гарнизондарда жөндеу жұмыстары аяқталатын нысандар пайдалануға берілмек.
