Қазақстан Ұлттық Банкі «Қолма-қол ақшаны пайдаланудың орта мерзімді перспективалары» тақырыбындағы әлеуметтік зерттеудің нәтижелері жариялана бастағанын хабарлайды. Қазақстандағы экономика субъектілерінің төлем қалауы туралы зерттеу ҚҰБ-та алғаш рет жүргізіліп отыр, деп хабарлайды DKNews.kz.
Негізгі мақсат – қолма-қол ақша айналымының даму тенденцияларын, қолма-қол ақшаға сұранысты қалыптастыратын факторларды анықтау, сондай-ақ экономика субъектілерінің қолма-қол ақша мен олардың номиналды құрылымын пайдалануын зерттеу.
Зерттеу сауалнама әдісімен үш кезеңде жүргізілді. Сонымен қатар, респонденттердің төлем күнделіктеріне талдау жүргізілді, оның көмегімен респонденттер апта ішінде барлық шығындарын тіркеді: сомалар, төлем орны, төлем әдісі және т. б.
Сауалнамаға 9 628 респондент қатысты, оның ішінде: 6 095 – жеке тұлға, 3 533 – кәсіпкерлік субъекті. Зерттеу Қазақстанның 17 облысын және республикалық маңызы бар 3 қаланы қамтыды.
«Қолма-қол ақшаны пайдаланудың орта мерзімді перспективалары» тақырыбындағы әлеуметтік зерттеудің нәтижелері ҚҰБ-тың ресми сайтында жарияланды.
