Ақмола және Алматы өңірлік гарнизондарының әскери полиция басқармаларында мерзімді қызметтегі әскери қызметшілер Отанға адал болуға ант берді, деп хабарлайды DKNews.kz.
Әскери ант қабылдаған сарбаздарды Қарулы күштер Әскери полициясы бас басқармасының басшылығы, ардагерлер мен ата-аналар құттықтады.
Бір ай бойы әскерге шақырылғандар жас жауынгер курсынан өтіп, әскерде қызмет ету үшін базалық білім алды.
Шара соңында ата-аналар мен қонақтар үшін әскери бөлімнің аумағына экскурсия ұйымдастырылып, оларды қызмет шарттарымен таныстырды.
