Бүгінгі таңда күнделікті сағат 09.00-ден кешкі 18.00-ге дейінгі уақытта ҚР ТЖМ 28237 әскери бөлімінің жеке құрамы және арнайы техника Алматы облысы Жамбыл ауданындағы елді-мекендердегі су басу қаупін алдын алу бойынша жұмыстар жүргізуде, деп хабарлайды DKNews.kz.
Жұмыстарды жүргізу барысында бөлім жеке құрамы елді мекендердің өзендерінің арнасын судың ағып өтуіне кедергі келтіретін мұздардан және арық жүйелерін тазалауды жүргізуде.
Сондай-ақ әскери бөлім жеке құрамы Алматы облысы Жамбыл ауданының Төтенше жағдайлар бөлімінің қызметкерлерімен бірлестікте өзен арналарын тазалау және олардың жағаларына үйілген бөгетшелер мен қалқаншалар жасау, сонымен қатар құм толтырылған қаптармен бөгетшелер жасау жұмыстары жүргізілуде.
Аталған іс-шаралар Алматы облысы Жамбыл ауданының елді-мекендеріндегі су басу қаупін едеуір төмендетті.
