Мемлекет басшысының тапсырмасы шеңберінде ауылдық денсаулық сақтауға телемедициналық технологиялар енгізілуде.
Денсаулық сақтау вице-министрі Бейбіт Есенбаев Ақтөбе облысы Талдысай ауылының фельдшерлік-акушерлік пунктіне барып, тасымалданатын телемедициналық жиынтықтарды қолдана бастады, деп хабарлайды DKNews.kz.
Бұл телемедициналық консультацияларды пайдалануды барлық жерде енгізуге мүмкіндік беретін инновациялық медициналық жабдық, оның негізі медицина персоналына пациентті орналасқан жерінде қашықтан диагностикалауға және интернеттің мобилдік желісі арқылы әрі қарай емдеу тәсілін қысқа мерзімде қабылдау үшін бейінді маманға диагностикалық ақпаратты беруге мүмкіндік беретін бағдарламалық қамтамасыз ету болып табылады.
Цифрлық даму министрлігінің қолдауымен аудандық деңгейден төмен медициналық объектілердің 85%-дан астамы интернет желісіне қосылған. Қазақстан Республикасы Цифрлық даму, инновациялар және аэроғарыш өнеркәсібі министрлігі әріптестерімен бірлесіп және жергілікті атқарушы органдардың қолдауымен бұл көрсеткіш 100%-ға орындалады деп күтілуде.
Осылайша, ауыл тұрғындары үшін сапалы медициналық көмектің қолжетімділігі артады.
