Қарағандыда жедел медициналық жәрдем жаңа қосалқы станциясы іске қосылды. Ол Сұрыптау тұрғындарына қызмет етеді, деп хабарлайды DKNews.kz.
Жаңа ғимаратта 40 адам, екі бригада жұмыс істейді. Олар жылына 25-тен 50 мыңға дейін қоңырау қабылдай алады.
Жаңа қосалқы станцияның ауданы мың шаршы метрден асады.
Негізгі ғимаратта қызметкерлерге арналған демалыс бөлмелері орналасқан. Сондай-ақ симуляциялық класс жабдықталған, ҚМУ КЕАҚ кафедрасы негізделетін болады.
Аумақта жедел жәрдем машиналарын жөндеуге арналған ангар мен гараждар қарастырылған.
