Қалбатау ауылында халықтың әлеуметтік осал тобына жататын азаматтар мен көпбалалы отбасыларға Искаков көшесінің бойынан жаңа пәтер кілті табыс етілді, деп хабарлайды DKNews.kz.
Биыл Жарма ауданында «Қуатты өңірлер – ел дамуының драйвері» жобасы аясында 25 тұрғын үй, Қалбатау ауылында 50 пәтер, Шар қаласында 10 пәтерлік 5 үй пайдалануға берілді.
Бүгінде Қалбатау ауылындағы Достық көшесі бойындағы 30 пәтерлік үш қабатты тұрғын үйдің құрылысын мердігер «Жарма стройгаз» ЖШС ұйымы жүргізіп жатыр. Құрылыс жұмысы жыл соңына дейін аяқталады деп жоспарланған.
