Көлік министрлігі саладағы негізгі көрсеткіштер бойынша жылды қорытындылады, деп хабарлайды DKNews.kz.
Халықаралық жүк тасымалы бойынша оң өсім байқалады. Экспорттық/импорттық жүктердің жалпы көлемі 22 пайызға, атап айтқанда 7 млн тоннаға дейін ұлғайды. Транзиттік тасымалдар көлемі 44%-ға өсіп, 3,6 млн тоннаны құрады.
Жыл көлемінде министрлік қазақстандық операторлардың жүктерді халықаралық тасымалдау нарығындағы позициясын нығайтуға мүмкіндік беретін нормативтік құжаттарды қабылдаған болатын.
Нәтижесінде отандық тасымалдаушылардың халықаралық тасымалдардағы үлесі 5%-ға өсіп, 47 пайызға жетті. Жалпы парк 2 мың бірлікке ұлғайып, барлығы 9 мың автокөлік құралы болды.
Аталған шаралар қосымша жұмыс орындарын қамтамасыз ету үшін жағдай жасауға, сондай-ақ отандық тасымалдаушылардың табысын арттыруға мүмкіндік берді.
