Жошы Ұлысының тарихын зерттеудің өзекті мәселелерін сарапшылар талқылады, деп хабарлайды DKNews.kz.
Бүгін ҚР Ғылым және жоғары білім министрлігі Ғылым комитетінің «Жошы Ұлысын зерттеу ғылыми институты» және халықаралық ғылыми кешен «Жошы ұлысының тарихын зерттеудің өзекті мәселелері» тақырыбында дөңгелек үстел өткізді.
Басқосу Жошы билігінің басталуы мен Қазақстан аумағында Жошы ұлысының құрылуының 800 жылдығына арналған.
Жошы ұлысының білім беру мәселесі, сондай-ақ «Жошы отбасы: бастапқы дереккөздер бойынша әйелдер мен балалар» тақырыбындағы дөңгелек үстел жұмысына тарихшылар, саясаттанушылар, шығыстанушылар, археологтар, нумизматтар, талдаушылар мен сарапшылар қатысты.
Археологтар «Археологиялық деректер контекстіндегі ортағасырлық Қазақстанның ұлыстары» және «Жошы хан кешені ауданындағы авариялық археологиялық зерттеулер» тақырыптарында баяндама жасады.
