Әскерилер Батыс Қазақстан облысының су басқан ауыл тұрғындарына көмек көрсетті, деп хабарлайды DKNews.kz.
Іс-шараларға жергілікті атқарушы органдар, төтенше жағдайлар жөніндегі бөлімшелер, басқа да күштік құрылымдар мен мердігерлік ұйымдар жұмылдырылған.
Батыс Қазақстан облысы аумақтық қорғаныс бригадасының 32 әскери қызметшісі подполковник Тимур Үмбетқалиевтің басшылығымен Сырым ауданындағы авариялық-құтқару жұмыстарына қатысуда.
Температураның көтерілуіне байланысты еріген су Қособа ауылын басып қалды. 28 наурыз күні кешке басталған кособалықтарды эвакуациялау жұмыстары түнгі екіге дейін жалғасты. Қарулы күштердің 99250 әскери бөлімі әскери қызметшілерінің үйлесімді іс-қимылының арқасында эвакуациялау пункттеріне 250 адам жеткізілді.
