2019 жылы 26 қарашада Қазақстан Елшісі Сержан Әбдікәрімов Жазушылар одағының төрағасы, Әзербайжанның Халық жазушысы Анар Рзаевпен және Жазушылар одағының хатшысы, Әзербайжанның Халық жазушысы, Пен-клубтың президенті Шыңғыс Абдуллаевпен кездесті.
Кездесу барысында тараптар мәдени-гуманитарлық ынтымақтастықтың жай-күйі мен перспективаларын, жалпы түркі тамыры бар екі ел арасындағы әдеби байланыстарын одан әрі дамытуды талқылады. Әзербайжанның қалам мен сөздің көрнекті корифейлері ҚР мен АР-ның шығармашылық және жазушылық топтары арасындағы байланыстарды кеңейтуге жәрдемдесуді жалғастыруға дайын екендіктерін білдірді. Елші Әбдікәрімов А.Рзаевқа 6 желтоқсанда Нұр-Сұлтан қаласында Қазақстанның Жазушылар одағының 85 жылдығына арналған іс-шараға қатысуға шақыруын қайталады.
