Елорда әкімі Алтай Көлгінов №2 қалалық ауруханада болып, қар тазалау кезінде абайсызда жарақат алған «Астана Тазалық» кәсіпорнының коммуналдық техникасының жүргізушісімен кездесті. Қала басшысы пациенттің денсаулығын сұрап, тез арада сауығып кетуін тіледі. Сонымен қатар ауруханада оған білікті мамандардың көмек көрсететіп жатқанын атап өтті. Сондай-ақ ер адамға лайықты еңбегі үшін алғыс айтып, материалдық көмек көрсетілетінін атап өтті.
№2 қалалық аурухананың бас дәрігері Иван Лидің айтуынша, пациенттің денсаулық жағдайы тұрақты (жағдайы орташа деңгейде), «ота еш асқынусыз өтті».
