22 қарашада «Хан Шатыр» сауда ойын-сауық орталығында ЖИТС-ке қарсы күрес акциясы өтеді. Шара аясында барлық ниет білдірушілер дерт жөнінде тегін кеңес алып, АИТВ-ға экспресс-тест тапсыра алады, деп хабарлайды қала әкімдігінің ресми сайты.
ЖИТС пен АИТВ-ға қарсы күрес бойынша акция Денсаулық сақтау министрлігінің Ұлттық Қоғамдық денсаулық орталығының, Қоғамдық денсаулық сақтау басқармасының, ЖИТС-тың алдын алу және оған қарсы күрес орталығының қолдауымен Нұр-Сұлтан қаласының Салауатты өмір салтын қалыптастыру орталығы тарапынан ұйымдастырылды.
Акция 22 қараша күні сағат 15:00-де «Хан Шатыр» СОО өтеді.
Оның аясында барлық ниет білдірушілер мамандар кеңесін алып, АИТВ-ны анықтауға арналған инвазивті емес әдіспен жедел-тестілеуден өте алады.
Акция барысында концерттік бағдарлама, викториналар, сыйлықтар таратылатын ойындар өткізіледі.