Елордада 600-ден астам қараусыз қалған электр, сумен қамту, жылыту, кәріз желілері бар

435



Елордада 680-ге жуық иесіз жатқан, қараусыз қалған объектілер мен желілер анықталды. 126 км – электр, 7,5 км-сумен жабдықтау, 14 км – кәріз желілері. Сондай-ақ, 200-ге жуық трансформатор мен 76 трансформаторлық қосалқы станция балансқа алынбаған.

"10 қарашада орын алған жарықтың сөнуі электр желілеріндегі проблемаларды анықтады. Мердігер кабель каналын төсеу кезінде (Сығанақ және Ақмешіт көшелерінің қиылысында) жұмысқа немқұрайлы қарап, жұмысын сапасыз атқарған. Комиссия мәліметтеріне сәйкес, туындаған өрт полиэтилен құбырларының дұрыс орналаспауынан күшейген. Нәтижесінде бір арнада жатқан негізгі және резервтік қуат кабельдері зардап шекті. Сотқа дейінгі тергеу жалғасуда. Кабельдерді салу жұмыстары екі жыл бұрын жүргізілді, желілер балансқа алынбаған. Қазір біз иесіз, қараусыз қалған желілер мен нысандарды балансқа қабылдау бойынша жоспарлы жұмыс жүргізудеміз", - деді А. Көлгінов.

Бұдан басқа, сумен жабдықтау және кәріз желілері бойынша механикалық әсерлерге төтеп бере алмайтын шыны пластик және гофрленген құбырларды пайдалану проблемасы анықталды. 34 учаскеде осындай құбырлар орнатылған (90 км). Ашық люктер мен құдықтар да иесіз қалған мүлік қатарына жатады. Елордада барлығы 102 мың люк бар. Тұрғындардың ашық құдықтарға құлауын болдырмау үшін люктердің төрттен бір бөлігі (24,8 мың) арнайы торлармен жабдықталған. Бұдан басқа, пилоттық режимде люктерге автоматтандырылған мониторинг жүйесінің датчиктері орнатылды.

Телеграм-канал «Нефть и Газ Казахстана. Факты и комментарии». Ежедневные новости с краткими комментариями. Бесплатная подписка.

Международное информационное агентство «DKNews» зарегистрировано в Министерстве культуры и информации Республики Казахстан. Свидетельство о постановке на учет № 10484-АА выдано 20 января 2010 года.

Тема
Обновление
МИА «DKNews» © 2006 -