Перейти к основному содержанию
12 Февраля 2019  6

Мемлекет басшысы бірқатар кадрлық тағайындаулар жасады

Мемлекет басшысы бірқатар кадрлық тағайындаулар жасады

Мемлекет басшысының Жарлығымен Исатай Бақтиярұлы Сартаев басқа жұмысқа ауысуына байланысты Қазақстан Республикасы «Сырбар» Сыртқы барлау қызметінің директоры қызметінен босатылды. Бұл туралы Ақорданың баспасөз қызметі хабарлайды.  

Ғабит Жақыпбайұлы Байжанов Қазақстан Республикасы «Сырбар» Сыртқы барлау қызметінің директоры болып тағайындалды, ол Қазақстан Республикасы Президентінің көмекшісі – Қауіпсіздік Кеңесінің хатшысы қызметінен босатылды.

Қалмұханбет Нұрмұханбетұлы Қасымов Қазақстан Республикасы Президентінің көмекшісі – Қауіпсіздік Кеңесінің хатшысы болып тағайындалды, ол Президент Жарлығына сәйкес Қазақстан Республикасының Ішкі істер министрі қызметінен босатылды.

Мемлекет басшысының Өкімімен Ерлан Заманбекұлы Тұрғымбаев басқа жұмысқа ауысуына байланысты Қазақстан Республикасы Ішкі істер министрінің орынбасары қызметінен босатылды. Президент Жарлығына сәйкес, Е. Тұрғымбаев ҚР жаңа ішкі істер министрі болып тағайындалды.