ҚР-дың ГФР-дағы Елшісі Дәурен Кәріпов және Қазақстан делегатының мүшелері ҚР Ауыл шаруашылығының Бірінші вице-министрі Айдарбек Сапаровтың жетекшілігімен 85-ші халықаралық «Жасыл апта-2020» ауыл шаруашылығы және азық-түлік көрмесіне қатысты.
Ашылу салтанатында ГФР Азық-түлік және ауыл шаруашылығы федералды министрі Юлия Клёкнер алғы сөзімен қатысушылар алдында сөз сөйледі. «Жасыл апта» 1926 жылдан бастап өткізіліп келеді және әлемдегі ең ірі ауыл шаруашылығы көрмесі-жәрмеңкесі болып табылады. Осы жылы 72 елден 1800 ұйымның өнімі көрсетілген.
Көрменің аясында 2020 жылғы 16 қаңтарда Елші Д.Кәріпов пен қазақстандық делегаттың «Аграрлық-саяси диалог» бірлескен қазақстан-герман жобасының өкілдерімен және «Claas KGaA mbH» компаниясының басшыларымен кездесулері өткізілді. Кездесулердің шеңберінде ауыл шаруашылығы және Солтүстік Қазақстан облысында ауылшаруашылық техникасын шығару бойынша бірлескен өндіріс құру саласындағы ынтымақтастық мәселелері талқыланды.