Алғыс айту күніне орай Түркістан облысы Бәйдібек аудандық полиция бөлімінің жеке құрамы қайырымдылық істерін атқарды.
Облыс әкімі Өмірзақ Шөкеевтің бастамасымен қолға алынған «Қамқорлық» жобасына қолдау көрсеткен полицейлер әлеуметтік аз қамтылған отбасыларға азық-түлік және күнделікті тұтыну тауарларын табыстады.
Жеке құрам қызметкерлері аудандағы Шалдар, Жиенқұм ауылдарына арнайы барып, онда тұрмысы төмен отбасылардың жағдайын білді. Қажетті заттармен қамтып, көпбалалы аналардың алғысын алды.
– Полиция қызметкерлеріне алғысымды білдіремін. Әрдайым қамқорлық танытып, қолдау білдіріп отырады. Алғыс айту күнінде баршасына рахметімді айтамын, – дейді З.Рахимова.
«Қамқорлық» жобасы бойынша қолға алынған игі істерді полицейлер алдағы уақытта да жалғастыратындығын айтты.