Қазақстан Республикасы Парламенті Сенатының депутаттары Ләззат Сүлеймен мен Динар Нөкетаева «Орталық Азия мемлекеттеріндегі парламентші әйелдердің терроризмге қарсы іс-қимыл және зорлық-зомбылық экстремизмінің алдын алу жөніндегі ұлттық іс-қимыл жоспарын іске асырудағы рөлі» тақырыбындағы жоғары деңгейдегі форумға қатысты.
Форум Орталық Азиядағы парламентші әйелдердің терроризмге қарсы күрес және зорлық-зомбылық экстремизмінің алдын алу жөніндегі іс-қимылдарға кеңінен қатысуын қамтамасыз етуге бағытталған, деп хабарлайды Деловой Қазақстан.
Форумға қатысушылар терроризм, зорлық-зомбылық экстремизмінің гендерлік аспектілерін, сондай-ақ Орталық Азиядағы зорлық-зомбылық экстремизмінің алдын алу мәселелері бойынша парламентаралық ынтымақтастықты нығайтуды талқылады.
Шараға әйел парламентшілер, Қазақстан, Қырғызстан, Тәжікстан, Түрікменстан және Өзбекстан парламенттік ассамблеялары мен азаматтық қоғам ұйымдарының өкілдері қатысты.