Ұлы ақын, ағартушы, қазақтың жазба әдебиетінің негізін салушы Абай Құнанбайұлының туғанына 177 жыл толуына орай Армия халықаралық ойындарының “Тактикалық мерген” сайысына қатысушылар Абайдың өлеңдерін оқыды, деп хабарлайды Деловой Қазақстан.
Абай шығармашылығы қазақ пен басқа халықтардың мәдениеті арасындағы байланыстырушы буын. Оның есімімен әлемнің көптеген қалаларындағы көшелер аталған, ескерткіштер орнатылған. Айта кету керек, Қарағанды гарнизонындағы "Спасск" оқу-жаттығу полигонында алғаш рет Армия халықаралық ойындары шеңберіндегі "тактикалық мерген" сайысы өтуде. Оған Армения, Беларусь, Вьетнам, Қытай Халық Республикасы, Қазақстан, Мали, Ресей Федерациясы, Тәжікстан және Өзбекстан қатысуда.