2022 жылғы 28-30 қыркүйекте Бангкок қаласында (Таиланд) БҰҰ Азия және Тынық мұхиты үшін Экономикалық және әлеуметтік комиссиясының (БҰҰ АТМЭӘК) өңірлік экономикалық ынтымақтастық және интеграция жөніндегі Үшінші министрлік конференциясы өтілуде, деп хабарлайды Деловой Қазақстан.
ҚР Сауда және интеграция вице-министрі Қайрат Төребаев конференцияда күн тәртібінің «Дағдарыс уақытында орнықты даму үшін сауда және инвестиция арқылы тұрақтылықты қамтамасыз ету» нысаны бойынша елдік мәлімдеме жасады.
Қайрат Төребаев өз сөзінде Қазақстанның сауда айналымы, Азия және Тынық мұхиты өңірі елдеріне экспортты ілгерілету әлеуеті, сондай-ақ трансшекаралық хабтар туралы атап өтті.
Жалпы, БҰҰ АТМЭӘК мен Азиялық даму банкі бірлесіп ұйымдастырған конференцияда АТМЭӘК мүше елдердің министрлері мен жоғары деңгейлі лауазымды өкілдері өңірлік және субөңірлік ынтымақтастықты нығайту мәселелерін талқылады.