4 қыркүйек полиция бөліміне 47 жастағы Ақтөбе қаласының тұрғыны алаяқтық туралы арыз берген, - деп хабарлайды Деловой Қазақстан.
Зардап шегушінің айтуынша, ағымдағы жылдың маусым айында үйде отырып, таныстарында инвестициялық ақшалай салымдар туралы әңгіме басталған. Екі апалы-сіңлілі “Finiko” компаниясына инвестициялық салым және биржаларда ақшаны айналдыру сылтауымен жәбірленушіден үлкен көлемде ақша алып кеткен.
Алайда ақша да, уәде етілген екі еселенген сома да болмаған. Жедел-іздестіру шаралары барысында күдіктілердің жеке басы анықталды. Олар екі апалы-сіңілілер болып шықты. Келтірілген залалдың сомасы 10 миллион теңгені құрайды. Аталған факті бойынша ҚР Қылмыстық кодексінің 190-бабы 3-бөлігі (Алаяқтық) бойынша сотқа дейінгі тергеубасталды.