Сарыағаш ауданының полицейлері мал ұрлығының алдын алу бойынша жедел профилактикалық іс-шараны ұйымдастырды, - деп хабарлайды Деловой Қазақстан.
pixabay
Шара мақсатында аймақтағы мал ұстаушы жеке үйлер мен шаруақожалықтарындағы малдарды сырғалануы, таңбалануы мен жолқатынастарындағы мал тасымалдаушы көліктерге тексеріс жүргізілді. Аталған іс-шараға сәйкес жұмыс барысында полиция қызметкерлері Шымкент-Жетісай тас жолының бойында мал тасымалдаған 38 автокөлікті тоқтатып, олардың рұқсат қағаздары мен ветеринарлық куәліктерін тексерді.
Нәтижесінде “ГАЗель”, “Уаз”, “КамАЗ” маркалы автокөліктермен заңсыз мал тасымалдаған бес жүргізушіні анықтады. Сондай-ақ көліктерге ветеринарлық құжатсыз ірі қара және ұсақ малдар тиелгендігі белгілі болды.
Анықталған автокөлік жүргізушілеріне қатысты ҚР ӘҚБтК-нің 406-бабы (Қазақстан Республикасының ветеринария саласындағы заңнамасын бұзу) бойынша тиісті құжаттар жинақталып, Сарыағаш аудандық ветеринария бөліміне жолданды.