25 маусым күні сағат 18:00-де EXPO іскерлік орталығының аумағында демалыс және мереке күндері мәдени-ойын-сауық бағдарламасы бар EXPO Camp әмбебап кеңістігі іске қосылады, деп хабарлайды Деловой Қазақстан.
EXPO Camp – бұл елорда тұрғындары мен қонақтары үшін VAN Life стилистикасында аспан астында таза ауада қызықты және мазмұнды демалуға, отбасымен, достармен және әріптестермен кездесуге, музыка тыңдауға, шығармашылық шеберлік-кластары мен спорттық жарыстарға қатысуға, үстел ойындарын ойнауға және жай ғана ыңғайлы орындықтар мен гамактарға отыруға болатын бірегей кеңістік.
ЕХРО Camp кешені мыналарды қамтиды:
- Bus lounge – келушілерге арналған үстелдері мен отыратын орындары, көше шатыры мен подиумы бар қайта жабдықталған автобус;
- балаларға арналған серіппелі батут;
- балалардың қатысуымен ойындар, шеберлік-кластар және анимациялар өткізуге арналған балалар аймағы;
- демалыс және мереке күндері кешкі мәдени-ойын-сауық бағдарламаларын өткізуге арналған техникалық жабдықтармен жарақталған, граффити қолданылған үлкен контейнерден қайта жабдықталған Арт-сахна;
- іс-шараларды өткізуге арналған алаң (ойындар, шеберлік-кластар, интерактивтер және т. б.);
- кешеннің аумағы «Ретро шамдармен», гүлдермен және ағаштармен безендірілген, сондай-ақ түрлі отыратын орындармен (орындықтар, гамактар, креслолар, паллеттерден жасалған орындықтар және т.б.) жабдықталған.
Бұдан басқа, мәдени-ойын-сауық бағдарламасын іске асыру шеңберінде мультфильм және ертегі кейіпкерлерінің костюмдерінде аниматорлардың қатысуымен тақырыптық мастер-класстардың 10 түрін өткізу, сондай-ақ демалыс және мереке күндері кешкі бағдарламаларды өткізу жоспарлануда.
Кеңістік күн сайын қыркүйектің соңына дейін жұмыс істейді.
Іс-шаралардың толық кестесі мен мәліметтерін «QazExpoCongress» ұлттық компаниясының ресми сайты мен Facebook және Instagram әлеуметтік желілеріндегі аккаунтынан біле аласыз.