Қатерлі ісік: елордалық дәрігер негізгі себептерін айтты

791

Астана қаласы әкімдігінің «Көпсалалы медицина орталығы» ШЖҚ МКК №1 хирургия бөлімшесінің меңгерушісі, онколог-маммолог, хирург дәрігер Юрий Жуков қатерлі ісік қандай салдардан туындайтынын түсіндіріп берді, деп хабарлайды елорда әкімдігінің ресми сайты.

Онколог маман сөзін жалғай отырып, қатерлі ісіктің туындауына бірнеше себеп болатынын қозғап өтті, деп хабарлайды DKNews.kz.

«Тұқым қуалаушылық – жақын туыстарында (әсіресе жас кезінде) сүт безі қатерлі ісігі анықталған жағдайда қауіп 3-5 есе жоғары.

Физикалық жарақаттар, яғни сүт безіне жарақат алған кезде ауруға тап болу пайызы 4 пайыздан 44 пайызға дейін артады.

Дұрыс емес тамақтану – жануар майларын шамадан тыс тұтыну, жоғары калориялы тағамдар, А, Е, С, Д дәрумендерінің жетіспеушілігі», - дейді Юрий Жуков.

Ол сөзін жалғай отырып, қатерлі ісікке уайым-қайғы да үлкен себеп болатынын қозғап өтті.

«Бала туу функциясы – ерте немесе кеш етеккір (12 жасқа дейін және 16 жастан кейін), кеш менопауза (53-55 жастан кейін), кеш алғашқы босану (26 және одан жоғары), жалпы 40 жастан кейін бала дүниеге әкелу, жиі түсік тастау, алғашқы бедеулік, жыныстық өмірдің кеш басталуы және тұрақсыздығы, омырау сүтімен қысқа мерзімді емізу немесе мүлдем қолданбау. Бұл да негізгі факторлардың бірі.

Сол сияқты бауыр, қалқанша без, аналық без, бүйрек үсті безі, гипофиз және т.б. функциясының бұзылуы да себеп болады.

Экологиялық факторлар – иондаушы сәулелену, электромагниттік өріс, ластанған: ауа, су, өнімдер», - дейді ақхалатты маман.

Телеграм-канал «Нефть и Газ Казахстана. Факты и комментарии». Ежедневные новости с краткими комментариями. Бесплатная подписка.

«DKNews» халықаралық ақпараттық агенттігі Қазақстан Республикасының Мәдениет және ақпарат министрлігінде тіркелген. Есепке қою туралы куәлік № 10484-АА 2010 жылдың 20 қаңтарында берілді.

Тақырып
Жаңарту
МИА «DKNews» © 2006 -