Қытайдың автоөндірушілер қауымдастығының мәліметтері бойынша, наурыз айында Қытайдың коммерциялық автокөлік өндірісі мен сатылымы рекордтық деңгейге жетті, деп хабарлайды Деловой Қазақстан.
Қауымдастықтың мәліметінше, өткен айда Қытайдың коммерциялық автокөлік өндірісі 579 000 дананы құрады, бұл жылдық есептеуде 55,2 пайызға өсті, ал автокөлік сатылымы 68,1 пайызға өсіп, 651 000 данаға жетті.
Жылдың бірінші тоқсанында осы автокөліктердің өндірісі 1,39 млн данадан асты, бұл өткен жылдың сәйкес кезеңімен салыстырғанда 76,9% және 2019 жылдың сәйкес кезеңінен 26,1% артық.
Қаңтар мен наурыз аралығында 1,4 миллионнан астам коммерциялық автокөлік сатылды, бұл өткен жылмен салыстырғанда 77,3% және 2019 жылдың сәйкес кезеңімен салыстырғанда 26,9% көп.
