Қытайда соңғы бес жылда 2,53 миллионнан астам өнертабысқа патент берілді. Бұл туралы Қытайдың зияткерлік меншік саласындағы бас реттеушісі хабарлайды.
Дәл осы кезеңде 27,7 миллионнан астам тауар белгісі тіркеліп, орташа жылдық өсім 29 пайызға жетті, деп хабарлады Қытай ұлттық зияткерлік меншік басқармасының басшысы Шэн Чанъюй баспасөз мәслихатында.
2021 жылы елде 696 000 өнертабысқа патент берілді, жоғары құнды өнертабыс патенттерінің иелігі бойынша орташа көрсеткіш 10 000 адамға 7,5-ке жетті, бұл 2017 жылдың соңындағы көрсеткіштен екі есе дерлік, деді Шэн.
Қытайдың 15 жылдық даму жоспарында (2021-2035 жж.) нақты мақсат қойылды: 2025 жылға қарай патентті қажет ететін салалардың қосылған құны ЖІӨ-нің 13 пайызын құрауы тиіс.
Қытай зияткерлік меншік құқығы саласындағы халықаралық ынтымақтастық пен бәсекелестіктің жүйелі түрде дамуына ықпал етуге ұмтылады. Шэннің айтуынша, 2021 жылы қытайлық компаниялар «Белдеу мен жол» бойындағы елдерге 8 596 патенттік өтінім берді, бұл өткен жылмен салыстырғанда 29,4 пайызға көп, ал бұл елдер өз кезегінде Қытайда 25 000 өнертабыс патентіне патенттік өтінім берді.
