Кантон жәрмеңкесі ретінде белгілі Қытай импорт және экспорт жәрмеңкесінің жақында ғана аяқталған 131-сессиясына тіркелген шетелдік сатып алушылардың саны 228 ел мен аймақтан келген 536000 келушіні құрап, рекордтық көрсеткішке жетті. Көрме 15-24 сәуір аралығында COVID-19 пандемиясының жаңа өршуіне байланысты онлайн режимінде ашылды.
131-сессияға тіркелген шетелдік сатып алушылардың саны 129-сессиямен салыстырғанда 48 пайызға, 130-сессиямен салыстырса, 41,8 пайызға өсті, деді жәрмеңке өкілі Сюй Бин.
Олардың ішінде 298 100 сатып алушы «Белдеу және жол» елдерінен болды, бұл жалпы сатып алушылардың 55 пайызынан астамын құрайды, ал 150 800 сатып алушы Аймақтық жан-жақты экономикалық серіктестік (АЖЭС) елдерінен болды, бұл 28 пайыздан астамды құрайды, деді Сюй.
Онлайн режимінде 3 миллионнан астам экспонат, оның ішінде 951 500 жаңа өнім көрсетілді, соңғы он күнде онлайн көрме залын 6,2 миллионнан астам адам тамашалады. Барлығы көрмеге қатысушылар 210 500 электронды визит картасын шығарды, ал шетелдік сатып алушылар 100 000-ға жуық онлайн келіссөздер жүргізді.
1957 жылдан бері Қытайдың оңтүстігіндегі Гуанчжоу қаласында жәрмеңке жылына екі рет өткізіліп келеді, көрме алғаш рет өткен күзде онлайн және офлайн режимінде өтті.
