2600 тонна ақ қант тиелген Қытай-Еуропа жүк пойызы жексенбі күні Оңтүстік Қытайдың Гуанси-Чжуан автономиялық ауданындағы Наньнин халықаралық теміржол портынан шықты. Бұл Қытайдан азық-түлік экспортына арналған алғашқы арнайы Қытай-Еуропа жүк пойызы, деп хабарлайды Chinanews.com.
Пойыз 4662 шақырым жол жүріп, Алашанькоу порты арқылы Алматыға (Қазақстан) 11 күнде жетеді, бұл теңіз және автомобиль тасымалынан 8-10 күнге қысқа.
Бұрын Гуансиден қантты экспорттаудың негізгі жолы теңіз және автомобиль тасымалы болған. Тезірек және тәуекелі аз жүк пойызының бағыты кәсіпорындардың жеткізу мүмкіндігін, сондай-ақ нарықтағы бәсекеге қабілеттілігін айтарлықтай арттырады, деді жергілікті логистикалық компанияға жауапты тұлға.
Осы жүк пойызының сәтті жұмыс істеуі China Railway Nanning Group әзірлеген Наньнин-Нұр-Сұлтан-Алматы Қытай-Еуропа жүк пойызы бағытының жаңа көлік санатын белгіледі және «Белдеу мен жолдың» бағыттары бойынша жоғары сапалы өнімдердің түсуіне ықпал етеді, Гуансидің сыртқы әлемге ашықтығының сапалы дамуына көлік кепілдігін қамтамасыз етеді.