Қытайда ұялы телефондарды жеткізу жылдық есептеуде 29,2 пайызға қысқарды және ағымдағы жылдың бірінші тоқсанында шамамен 69,35 млн бірлікті құрады, делінген Қытай ақпараттық және коммуникациялық технологиялар академиясының (CAICT) есебінде.
Қытайдың Өнеркәсіп және ақпараттық технологиялар министрлігінің CAICT зерттеу институтының мәліметі бойынша, есепті кезеңде 5G ұялы телефондарының жеткізілімі 22,9%-ға азайып, 53,88 млн дананы құрады.
Алғашқы үш айда 5G телефондары Қытайдың смартфондар нарығында үстемдік етуді жалғастырды, бұл барлық телефон жеткізілімдерінің 77,7% құрады.
Есепте Қытай тек наурыз айында жалпы саны 21,46 млн телефонды жөнелткені, бұл өткен жылдың сәйкес кезеңімен салыстырғанда 40,5%-ға азайғаны айтылған. Деректер көрсеткендей, Қытай 2021 жылы 266 миллион 5G телефонын жеткізді, бұл 2020 жылмен салыстырғанда 63,5%-ға көп.