Сенатор Сәрсенбай Еңсегенов аймақтарға жұмыс сапары аясында Атырау облысының Жылыой ауданындағы Қосшағыл ауылында болып, ауыл тұрғындарымен, облыстық және аудандық мәслихат депутаттарымен кездесті.
Сенатор С.Еңсегенов қатысушыларды Парламент Сенатында қабылданған заңдар туралы жан-жақты хабардар етті. Мемлекет басшысының Қазақстан халқына Жолдауынан туындайтын міндеттерге тоқталып, әлеуметтік қолдау және міндетті әлеуметтік медициналық сақтандыру заңнамасының негізгі қағидаларын түсіндірді.
Жүздесуде аймақтарды дамыту, орта және шағын бизнесті қолдау, шағын кәсіпорындарға салық салу саласындағы жеңілдіктер, аз қамтылған отбасылар мен көп балалы аналарға әлеуметтік көмек мәселелері қызу талқыланды.