Қазақстан Республикасында коронавирус індетінің таралуына жол бермеу мақсатында, 16 наурызда таңғы сағат сегізден бастап Қазақстан Республикасының Президенті – ҚРҚК жоғарғы бас қолбасшысы Қасым – Жомарт Тоқаевтың төтенше жағдай жариялауына байланысты, Қазақстан Республикасы Қарулы Күштері Әскери полициясы бас басқармасы бастығының нұсқауы бойынша Семей гарнизонының бастығымен бірлесе, гарнизонда және әскери қызметшілердің көп шоғырланған жерінде, әскери бөлімдердің аумақтарында құқықбұзушылықтың, қылмыстың және тәртіп бұзушылықтың алдын алуға 18 (он сегіз) патрульдеу тобы жұмылдырылды.
Патрульдеуге бекітілген әрбір әскери қызметші төтенше жағдай режимін қамтамасыз ету жөніндегі нұсқамамен толықтай таныстырылып, қаланың оң жақ жағалауындағы 10 (он) бағытындағы және қаланың сол жақ жағалаудағы 8 (сегіз) бағытындағы патрульдік топтарға Семей гарнизонының әскери бөлімдерінен және әскери полиция жасағының әскери қызметшілері тартылып, бекітілген тапсырмаларын орындап, қаланың патрульдік полиция қызметшілерімен бірлесе қызмет атқарып, қылмыстың жолын кесуге, қоғамдық тәртіп пен қауіпсіздікті сақтауға, өз үлестерін қосуда.
