ҚР ГФР-дағы Елшісі Д. Кәріпов ГФР шағын және орта бизнес федералды ассоциациясының Президенті профессор Марио Оховеннің шақыруымен Экономикалық форумға және осы бизнес-ассоциацияның жаңа жылдық қабылдауына қатысты.
Іс-шараның шеңберінде Д. Кәріпов FB Waste Recycling GmbH (тұрмыстық қалдықтарды жою), Emanto GmbH (аграрлы химия), Intergest Germany GmbH (стратегиялық жоспарлау) және т.б. сияқты ГФР ШОБ компанияларының өкілдерімен бірнеше кездесу өткізді. «Қазақ Инвест» АҚ өкілі А. Тұмышева қатысқан кездесулер барысында герман бизнесмендерінің назарына Қазақстанның инвестициялық мүмкіндіктері және ҚР Президенті Қ. Тоқаевтың 2019 ж. желтоқсандағы сапарында алғаш айтылған герман инвесторлары үшін ерекше жағдайлар ұсынылды.
Шағын және орта бизнес федералды ассоциациясы (BVMW) 1975 ж. құрылды, 900 мың. кәсіпкердің мүддесін көрсететін ГФР-дың ең ірі қоғамдық бизнес-бірлестігі болып табылады. Ұйымның басты мақсаты әрбір кәсіпкер және жалпы орта тап үшін экономикалық саясаттың шарттары мен ережелерін жетілдіру.