Қазақстан мен Латвия ынтымақтастықты тереңдету үшін күш біріктіруде, деп хабарлайды DKnews.kz.
ҚР Өнеркәсіп және құрылыс министрлігі, Құрылыс және тұрғын үй-коммуналдық шаруашылық істері комитеті төрағасы Бақытжан Жүнісбеков пен Латвия Республикасы Экономика министрлігінің өкілдерімен кездесу өтті. Іс-шарада біліктілік, сертификаттау мәселелері және құрылыс саласындағы мамандарды бақылау, дамыту бойынша талқыланды.
Дөңгелек үстелге қатысушылар өз тарапынан Қазақстандағы құрылыстың өсу қарқынын және республика басшылығының реформаларды жүргізудегі жүйелі көзқарасын жоғары бағалады. Латвиядағы кездесуде күн тәртібіндегі өзекті мәселелер бойынша жан-жақты пікір алмасу болды. Ригада дәстүрлі сенім мен достық атмосферада өткен пікірталас екі елдің қарым-қатынастарды одан әрі нығайтуға ниетін растады.
Сондай-ақ, Бақытжан Жүнісбеков Латвия құрылысшылар одағы кәсіби қауымдастықтар өкілдері және Латвия сәулетшілер одағымен бірге - құрылыс саласындағы Қазақстан-Латвия ынтымақтастығының өзекті мәселелерін талқылады.
Латвия құрылысшылар одағы (LBS), сертификатталған мамандарды бақылау және олардың жұмысының сапасына, бағалауына және бақылауына қатысты шағымдарды қарау процесінде тәуелсіз ұйым ретінде маңызды рөл атқаратын Латвиядағы ең ірі сертификаттау ұйымы.
Латвия сәулетшілер одағы (LAS), сертификатталған мамандарды қадағалайтын және шешім қабылдау процесінде біржақтылыққа жол бермеу үшін бірегей бағалау критерийлері мен сертификаттау әдістемелерін жасайтын және кемінде 10 жыл тәжірибесі бар мамандардан тұратын тәуелсіз және сарапшылар тобы бар ұйым.
Іс-шараға қатысушылар сонымен қатар ынтымақтастықтың жаңа бағыттары Еуропалық Одақ пен Қазақстан арасындағы кеңейтілген серіктестікке қатысты екенін атап өтті.
