Нью-Йоркте БҰҰ Бас Ассамблеясының сессиясы аясында Қазақстандағы әлеуметтік жұмыс бойынша іс-шара өтті, деп хабарлайды DKnews.kz.
Нью-Йоркте БҰҰ Бас Ассамблеясының Үшінші комитетінің 79-сессиясы аясында «Қазақстанда балалар мен әйелдерді қорғау үшін әлеуметтік қызметтердің кадр әлеуетін нығайту және Орнықты даму мақсаттарына қол жеткізу мақсатында кәсіп ретінде әлеуметтік жұмыстың сыни рөлі» тақырыбында Қазақстан Республикасы Сыртқы істер министрлігінің қолдауымен Қазақстанның кәсіби әлеуметтік қызметкерлерінің Ұлттық альянсы ұйымдастырған іс-шара өтті.
БҰҰ агенттіктерінің, мүше мемлекеттердің өкілдерінің, әлеуметтік жұмыс мамандарының, ғалымдардың және ҮЕҰ өкілдерінің қатысуымен өткен гибридтік іс-шара әлеуметтік жұмыстың әлеуметтік-экономикалық күн тәртібін ілгерілету және халықтың осал топтарын қорғаудағы негізгі элемент ретіндегі рөліне назар аударды.
Іс-шара барысында Сент-Луис қаласындағы Вашингтон университетінің әлеуметтік жұмыс факультетінің профессоры Майкл Шерраден, М. Нәрікбаев университетінің доценті Мүсілім Хасенов, Нархоз университетінің аға оқытушысы Жанар Әбдіқалықова және Халықаралық әлеуметтік жұмысшылар федерациясының БҰҰ жанындағы өкілі Энн С. Дипак сөз сойледі.
Қазақстанның кәсіби әлеуметтік жұмыскерлерінің ұлттық альянсының атқарушы директоры және Л. Гумилев атындағы Еуразия ұлттық университетінің профессоры Динара Есімова іс-шараның модераторы болды.
Кездесу қатысушылары Қазақстанның әлеуметтік жұмысты ілгерілету тәжірибесін талқылады және БҰҰ Орнықты даму мақсаттарына (ОДМ), әсіресе балалар мен әйелдерді қорғауда қол жеткізу үшін әлеуметтік жұмыстың әлеуетін пайдаланудың негізгі шаралары туралы пікір бөлісті.
Әлеуметтік жұмыс ОДМ жетуде орталық рөл атқаратынын қамтамасыз ету үшін үкіметтер, халықаралық ұйымдар және азаматтық қоғам арасындағы үздіксіз ынтымақтастықтың қажеттілігі атап айтылды.
Іс-шара әлеуметтік жұмыс біліміне инвестиция салудың маңыздылығы және әлеуметтік қызметкерлер үшін қолайлы жағдай жасау туралы өнімді диалогқа ықпал етті.
