«Таюань» дипломатиялық компаундында «Наурыз» мейрамына орай Қазақстан Республикасының Қытай Халық Республикасындағы Елшілігінің ұйымдастыруымен мерекелік іс-шара өтті, деп хабарлайды DKnews.kz.
Іс-шараға Шанхай Ынтымақтастық Ұйымының Бас хатшысы Нұрлан Ермекбаев, ҚХР СІМ Еуропа және Орталық Азия елдері департаменті директорының орынбасары Гао Минбо, қазақ диаспорасының, дипломатиялық корпус істері басқармасының, Қытайдағы қазақстандық студенттер қауымдастығының өкілдері, сондай-ақ Бейжің қаласында жұмыс істейтін Қазақстан азаматтары қатысты.
Қатысушыларға Қазақстан Республикасының ҚХР-дағы Төтенше және Өкілетті Елшісі Шахрат Нұрышев құттықтау сөз сөйлеп, наурыздың көктем мерекесі, өңірлердің мәдениеттері мен халықтарын біріктіретін жаңару мен келісім мерекесі ретіндегі маңызын атап өтті. Елші өз сөзінде 2024 жылдан бастап Президент Қасым-Жомарт Тоқаевтың бастамасымен Қазақстанда қазақ халқының мыңжылдықтардан бастау алатын халқымыздың мәдени мұрасына негізделген Наурызнаманың онкүндігі мерекесінің жаңа форматы бекітілгенін атап өтті.
Мерекелік бағдарламаға қазақтың дәстүрлі музыкалық шығармалар, студенттер мен балалардың орындауындағы билер кірді. Қонақтарға ұлттық тағамдар, қазақ киіз үйі ұсынылды. Сонымен қатар, қатысушылар «Арқан тарту», «Асық ату» және т.б. дәстүрлі спорттық жарыстарға белсене қатысты.
