Қазақстанның бірінші, әлемнің 76-ракеткасы Александр Бублик Турин 175 (Италия) челленджер турнирінің чемпионы атанды.
Қазақстандық теннисші соңғы бәсекеде әлемнің 73-ракеткасы, қытайлық Бу Юньчаокэтэмен чемпиондық атақты сарапқа салды. Бублик 6:3, 6:3 есебімен жеңіске жетті.
Осылайша, Александр Бублик өз спорттық жолында челленджер жарыстарындағы жетінші, топырақ төсенішіндегі бірінші титулын жеңіп алды. Қазақстандық спортшы сондай-ақ ATP 250 турнирінде үш дүркін, ATP 500 додасында бір рет чемпион атанған.
