ҚР-дың ҚХР-дағы Елшілігі Бейжіңдегі Қазақстанның мәдениет орталығының аясында шетелдік студенттер арасында қазақ тілін білу бойынша 3-ші халықаралық байқау ұйымдастырды, деп хабарлайды DKNews.kz.
Байқауға Бейжің тіл және мәдениет университетінің, Далянь шет тілдер университетінің студенттері, Корея Республикасы, Жапония, Таиланд, Ресей және Қытайдан келген студенттер, сондай-ақ қызығушылық танытқан Қытай азаматтары қатысты. Қонақтар қатарына академия, қазақ БАҚ өкілдері мен Қазақстандық студенттер болды.
Қатысушыларға ҚР-дың ҚХР-дағы Елшілігінің кеңесші-уәкілі Асқар Шалқарбаев құттықтау сөз сөйледі. Қытай тарапынан Бейжің шет тілдер университеті жанындағы Қазақстан зертеу орталығының басшысы Сун Фань және Далянь шет тілдер университетінің мұғалімі Лоу Йихуа сөз сөйледі.
Конкурстық бағдарлама қатысушылармен танысуды, сұрақтарға жауаптарды, зияткерлік тапсырмаларды және шығармашылық қойылымдарды қамтыды. Іс-шара қорытындысы бойынша жеңімпаздар мен қатысушыларға грамоталар мен естелік кәдесыйлар табыс етілді.
Конкурсты өткізу қазақ тілі мен мәдениетін шетелде ілгерілетуге, сондай-ақ Қазақстан мен Қытай арасындағы гуманитарлық байланыстарды нығайтуға кезекті үлес болды.
1 және 2 конкурстар алдында Бейжің шет тілдер университетінде және Сиань шет тілдер университетінде 2023 және 2024 жылдары өткізілген.
