Дубай – романтика тек шам жаққан кешкі аспен шектелмейтін қала. Мұнда ол әсерлі де, тыныш та, белсенді де, оңаша да бола алады – бәрі сапардың мақсаты мен көңіл күйге байланысты. Қала Әулие Валентин күнін атап өтуге де, кез келген мезгілде екі адамға арналған күтпеген саяхатқа да бірдей жарасады. Ең бастысы – Дубайдан алған әсерлер қайта оралғың келетін естелікке айналады, деп хабарлайды DKNews.kz.
Естелікке айналатын әсерлер
Екі адамға арналған ең әсерлі сәттердің бірі – шөлді әр мезетте көру. Таңғы уақытта бұл – күннің алғашқы шапағы дюналарды алтын түске бояйтын әуе шары арқылы ұшу. Ал кешке тыныштық пен оңашалықты ұнататындар үшін жұлдызды аспан астындағы жеке сафари мен кешкі ас ерекше әсер сыйлайды.
Су үстіндегі романтиканы яхта круиздері мен дәстүрлі дау қайықтарындағы серуендер толықтырады. Dubai Marina мен Palm Jumeirah бойымен өтетін бағыттар заманауи мегаполисті көрсетсе, Dubai Creek арқылы баяу жүзу тарихи аудандардың шынайы атмосферасын сезінуге мүмкіндік береді. Тірі музыка, кешкі ас және судағы көріністер бұл серуенді ерекше етеді.
Кешке мәдени реңк қосуды қалайтындар үшін Dubai Opera – таптырмас таңдау. Дәстүрлі дау пішініндегі сәулет, Бурдж-Халифаға ашылатын көрініс пен мұқият іріктелген бағдарлама театрға баруды нағыз атмосфералық оқиғаға айналдырады.
Шытырман элементі бар кездесулер
Егер классикалық формат қызықсыз көрінсе, Дубайда адреналинмен үйлескен романтиканы оңай табуға болады. Sky Views Dubai кешенінде шыны сырғанақ пен 220 метрден асатын биіктіктегі Edge Walk серуені қаланы мүлде басқа қырынан көруге мүмкіндік береді.
Табиғат пен су белсенділігін ұнататын жұптар үшін Palm Jumeirah жағалауында сапбордпен серуендеу немесе Хаджар таулары аясындағы Hatta Dam көлінде каякинг тамаша таңдау. Таңғы жарық бұл локацияларды ерекше фотогенді етеді. Ал көбірек қозғалыс іздегендер Hatta Wadi Hub-та жұптық зиплайн, хайкинг, картинг, тюбинг, садақ ату сияқты түрлі белсенділіктерді таба алады.
Спокойный форматты қалайтындар Al Quoz ауданындағы Wild Paint House-тағы шығармашылық сессияларды немесе Emirates Golf Club аумағындағы Topgolf Dubai-ді таңдай алады. Мұнда ойын, кешкі ас пен әдемі панорамалар еркін атмосферада үйлеседі.
Романтикалық кешкі ас – кештің басты оқиғасы
Дубайда кешкі ас көбіне сапардың ең есте қалар сәтіне айналады. Atlantis, The Palm-тағы Ossiano мейрамханасында теңіз тіршілігін әйнек арқылы тамашалауға болады, ал Pierchic – су үстінде орналасқан, қаладағы ең романтикалық орындардың бірі.
Ерекше күндерге Burj Khalifa-дағы At.mosphere мейрамханасы жиі таңдалады – әсіресе күн батар сәтте. Тыныш әрі жайлы атмосфераны Madinat Jumeirah лагунасындағы Il Borro Tuscan Bistro, Парсы шығанағына қараған Sea Fu немесе қайықпен жетуге болатын 101 Dining Lounge ұсынады.
Әсерлі панорамалар мен заманауи гастрономияны ұнататындар үшін CÉ LA VI – мінсіз таңдау. Ал Jumeirah Burj Al Arab қонақүйіндегі Ristorante L’Olivo at Al Mahara, Al Muntaha немесе Gilt лаунжы классикалық романтиканың символына айналған. Жеңіл форматтағы кездесу үшін Skyview Lounge-тағы түстен кейінгі шай да жарайды.
Екеуіне арналған қонақүйлер
Дубайда қонақүй таңдау бүкіл сапардың көңіл күйін анықтайды. Табиғат аясындағы тыныштықты қалайтындар үшін Al Maha, a Luxury Collection Desert Resort & Spa, Hatta Resorts немесе Al Marmoom Domes глэмпингтері қолайлы – мұнда жұлдызды аспан астында түн өткізуге болады.
Қалалық эстетиканы бағалайтындар Atlantis The Royal, The Lana, Dorchester Collection немесе Bvlgari Resort Dubai-ді таңдайды. Теңіз жағасындағы демалыс үшін Jumeirah Al Naseem, One&Only Royal Mirage, Four Seasons Resort Dubai at Jumeirah Beach немесе 77-қабаттағы инфинити-бассейнімен танымал Address Beach Resort лайық. Қолжетімді әрі стильді нұсқа ретінде DUKES The Palm ерекшеленеді.
2025 жылы ашылған Ciel Dubai Marina да ерекше назар аударады. Бұл – әлемдегі ең биік қонақүй, мұнда Dubai Marina, Palm Jumeirah және Парсы шығанағына ашылатын панорамалар қонақтарды барлық жерде қарсы алады.
Екеуіне арналған ең әдемі фото-нүктелер
Дубайда фотогенді локациялар серуеннің табиғи бөлігіне айналған. Al Qudra аймағындағы Love Lake – жүрек пішініндегі ландшафтымен ерекшеленетін, қала шуынан алыс тыныш орын.
Қаланың әсерлі көріністерін көру үшін AURA Skypool – әлемдегі ең биік панорамалық инфинити-бассейн тамаша таңдау. Ал Kite Beach жағажайында Burj Al Arab көрінісімен пикник жасап, серуендеуге немесе белсенді демалысты фотосессиямен ұштастыруға болады.
Үйлену туралы ұсыныс жасауға арналған орындар
Дубай есте қаларлық ұсыныстар жасауға таптырмас қала. Әуе шарымен таңғы ұшу, HeliDubai тікұшағымен серуен, Burj Khalifa немесе The View at The Palm алаңдары – әрқайсысы өз атмосферасын сыйлайды.
Тыныш әрі шынайы форматты қалайтындар Dubai Creek-тегі абра қайықтарымен серуенді, Madinat Jumeirah каналдарын немесе Platinum Heritage-пен шөлге жеке сапарды таңдай алады. Ал ерекше идея іздегендер Ski Dubai-дегі қарлы кеңістікті немесе арнайы сценарийі бар мейрамханаларды қарастыра алады.
Неге дәл Дубай
Дубай қарама-қайшылықтарды үйлестіре біледі – шөл мен теңізді, ауқым мен оңашалықты, дәстүр мен заманауи өмір ырғағын. Мұнда әр жұп өз романтикасын өзі қалыптастыра алады. Сол себепті Дубай екі адамға арналған сапарлар үшін ең тартымды бағыттардың біріне айналып отыр.
Романтикалық саяхаттарға арналған қосымша идеяларды www.visitdubai.com сайтынан табуға болады.
