Қазақстанда электр және гибридті көліктер нарығы жаңа кезеңге өтті. Бұл енді жай ғана тренд емес - бұл нақты таңдау. 2025 жылдың қорытындысы бойынша Astana Motors құрамындағы BYD Kazakhstan компаниясы NEV (New Energy Vehicle - жаңа қуат көзіндегі көліктер) сегментінде Қазақстанда да, әлемде де көшбасшы атанды, деп хабарлайды DKNews.kz.
Бұл - сандармен дәлелденген нәтиже.
Қазақстан автомобиль одағының дерегінше, BYD ресми дилерлері соңғы 12 айда 3245 дана электр және гибридті көлік сатқан. Брендтің NEV сегментіндегі үлесі 76 пайызға жетті. Яғни елімізде сатылған әр төртінші емес, әрбір үш көліктің бірі емес - әрбір төрт көліктің үшеуі BYD-ке тиесілі.
Бұл нарықтағы сенім мен сапаның көрсеткіші.
«BYD - NEV сатылымы бойынша әлем чемпионы. Біз үшін әлемдік көшбасшыны таныту - зор мәртебе, ал клиенттердің сенімі - біздің ең жоғары құндылығымыз. Іс жүзінде BYD Қазақстанда NEV көліктеріне деген тұтынушылардың сұранысын қалыптастыруда. Біз жергілікті нарықтағы көрсеткіштерімізбен мақтанамыз. Себебі ол экологиялық таза көліктердің жалпы сатылымының төрттен үш бөлігін құрайды. Бұл өнімнің құндылығын және брендтің елде танылуын растайтын айтарлықтай артықшылық. Біз ресми дилерлермен жұмыс істеген алғашқы жылымызда барлық күш-жігерімізді, тәжірибемізді және ресурстарымызды аймақтағы BYD-тің мінсіз беделін дамытуға және қалыптастыруға жұмсап, үлкен табысқа қол жеткіздік», - деді BYD-тің Қазақстандағы дистрибуция директоры Антон Куч.
Қай модельдер сұраныста?
Қазақстандағы ең танымал он NEV моделінің бесеуі BYD брендіне тиесілі. Олардың қатарында:
- BYD Song Plus DM-i гибридті кроссовері - 1534 дана
- BYD Yuan Up электр кроссовері - 872 дана
- BYD Song Plus EV - 609 дана
- BYD Sealion 7 - 123 дана
- BYD Han люкс электр седаны - 79 дана
Электр көліктер мен қосылмалы гибридтердің сатылым арақатынасы тиісінше 52 және 48 пайызды құрады. Бұл тұтынушылардың технологиялық балансты саналы түрде таңдағанын көрсетеді.
«Біз брендтің нарықтағы жетістігі бәсекелестікті арттырып жатқанын түсінеміз және аймақтағы көшбасшылығымызды сақтап қалуға ниеттіміз. BYD-тің мынадай даусыз артықшылықтары бізге бүгін және болашақта табысқа жетуге сенімділік береді. Олар - әлемдегі ең қауіпсіз Blade Battery аккумуляторлары, инновациялық DM-i қосылмалы гибридті технологиясы, көлік функцияларын қашықтан басқаруға арналған BYD APP қосымшасы, автокөлікті мобильді электр станциясына айналдыратын V2L жүйесі және басқа да ресурстар. Біз өз кезегінде Қазақстандағы дилерлік желімізді кеңейтуді, модельдік қатарды жаңартуды, BYD стандарттарына сәйкес қызмет көрсетуді және аймақтағы экологиялық таза көліктің маңыздылығын арттыруды жалғастыра береміз», - деп атап өтті Антон Куч.
Дилерлік желі мен инфрақұрылым дамып жатыр
Қазір Қазақстанда BYD стандарттары бойынша қызмет көрсететін 20 орталық жұмыс істейді. Олар білікті техникалық мамандармен және қосалқы бөлшектер қоймаларымен қамтамасыз етілген. Astana Motors - брендтің Қазақстандағы ресми дистрибьюторы әрі дилері. Сонымен қатар компания Өзбекстандағы ең ірі BYD дилерлік желісін де басқарады.
Электромобильдер нарығы тек сатылыммен өлшенбейді. Инфрақұрылым шешуші рөл атқарады. Осы бағытта Astana Motors MyCharge қуаттау станциялары желісін белсенді дамытып жатыр. Қазіргі таңда станциялар Қазақстанның 9 қаласында жұмыс істейді. 2026 жылы олардың саны екі есе артады деп жоспарланған.
Әлемдік табыс - Қазақстандағы сенім
BYD компаниясының жаһандық көрсеткіштері де әсерлі. 2025 жылы Қытайдан тыс елдердегі сатылым тарихи рекорд орнатты - 12 ай ішінде 1 миллионнан астам NEV көлігі сатылды.
2025 жылдың желтоқсанында компания 15 миллионыншы автокөлігін шығарып, жаңа межеге жетті.
BYD-тің табысының артында технология тұр. Компания батареялар мен электр қозғалтқыштарын өз ішінде әзірлейді. Ғылыми-зерттеу және тәжірибелік-конструкторлық жұмыстарға салынған инвестиция көлемі 220 миллиард юаньнан асты - бұл шамамен 26,6 миллиард еуро. Тек 2025 жылдың өзінде R&D бағытына шамамен 6 миллиард доллар инвестиция құйылған, бұл алдыңғы жылмен салыстырғанда 30 пайызға көп.
Нарық жаңа бағытқа бет алды
Қазақстанда электр көлігі енді болашақтың символы емес - бүгінгі күннің нақты таңдауы. Сапа, технология, инфрақұрылым және сенім - осы төрт фактор BYD-ті елдегі NEV нарығының көшбасшысына айналдырды.
Бренд бүгінде әлемнің 110-нан астам елінде танымал. Ал Қазақстанда - сатылым көрсеткіші бойынша бірінші орында.
Электромобильдер дәуірі басталды. Ал оның алдыңғы қатарында BYD тұр.
