Жазғы демалыс қарсаңында Шахтинск қаласының жалпы білім беретін мектептерінде «Қош бол, мектеп!» экологиялық акциясы өтті, деп хабарлайды Деловой Қазақстан.
Мектеп ауласын және оған іргелес аумақты ретке келтіру үшін қаланың 1-ден 11-ші сыныпқа дейінгі барлық оқушылары шықты.
Осылайша акцияны ұйымдастырушылар Шахтинскідегі жас буынды қоршаған ортаны қорғау проблемаларына тартуды жөн көрген.
– Бүгін біз барлық мектебімізбен экологиялық акцияға қатыстық, – дейді № 5 мектеп-гимназиясының 9 «Б» сынып оқушысы Никита Ляпутин. – Менің ойымша, жазғы демалыс алдында оқу орнының аумағын тазарту өте дұрыс шешім. Эко іс-шара қаламыздың барлық мектептері үшін жақсы дәстүрге айналады деп ойлаймын.
Биылдан бастап «Қош бол, мектеп!» экологиялық акциясы жыл сайын ұйымдастырылып, дәстүрге айналмақ.
