Елордалық мектебінің оқушылары ҚР Президенттік орталығында өткен музей сабағына қатысты, деп хабарлайды DKNews.kz.
Қазақстан Республикасы Президенттік орталығында Астана қаласындағы №75 лицейдің 8-сынып оқушылары үшін «Батырлар институты: салт-дәстүр, мәртебе және қару» атты музей сабағы өтті.
Сабақ «Даңқ галереясы» залында өтті, онда қару-жарақ пен әскери техниканың бірегей коллекциясы қойылған. Балалар қазақ батырларының өмірі мен әскери ерліктерінен, олардың қазақ қоғамындағы маңызы мен мәртебесінен қызықты мәліметтер алды.
Сонымен қатар, қатысушылар «Бес қару» ұғымымен танысты. Қасиеттеріне қарай ер қаруы: ату, кесу, шабу, түйреу және соғу қаруы деп бес түрге бөлінген. Оларға қылыш, айбалта, найза, шоқпар, садақ сияқты қарулар жатады.
