Қазақ мұнайының 125 жылдық мерекесі аясында энергетика вице-министрі Е.Ақкенженов сала ардагерлері А. Тегісбаев және М. Исаевпен кездесу өткізді. Іс-шараға қатысушылар мұнай секторының дамуының бай тарихын және оны дамытудың перспективалық бағыттарын талқылады, деп хабарлайды DKnews.kz.
Ардагерлер саланың дамуы туралы естеліктерімен бөлісіп, жинақтаған тәжірибесін өскелең ұрпаққа жеткізудің маңыздылығына тоқталды. Заманауи сын-қатерлер мұнай өнеркәсібінен қоршаған ортаға теріс әсерді барынша азайтатын және саланың ұзақ мерзімді дамуын қамтамасыз ететін инновацияларды үнемі жаңартып, енгізуді талап етеді.
Вице-министр тарихи естеліктер мен ұрпақтар сабақтастығын сақтаудың маңыздылығын атап өтті. Кездесу барысында саланы одан әрі дамыту, оның ішінде жаңа кен орындарын іздеу, мұнай өндіру мен өңдеу тиімділігін арттыру, сондай-ақ экологиялық қауіпсіздікті нығайту мәселелері талқыланды.
